Hopp til innhald

Fagartikkel

Filme-darjoje Elle-Máijá Tailfeather

Filme-darjoje Elle-Máijá Tailfeather lea dovne filme-darjoje jïh dorjehtæjja. Dïhte dovne blackfoot-almetje jïh saemie, guktie maehtebe daennie filmesne vuejnedh.

LK06

Elle-Máijá Tailfeathers

Eelki filmine barkedh jaepien 2011 gosse åenehks-filmem Bloodland darjoeji. Filmem darjoeji juktie sïjhti åålja-sïelti vööste gïrredh mah edtjin aelkedh ååljan mietie naepierdidh blackfoot-almetji dajvesne. Daan filmen mænngan Elle-Máijá gellie jeatjah filmh dorjeme ovmessie sjangerinie goh fiksjovne, dokumentaare, mokumentaare jïh musihke-videjo.

Saemie jïh blackfoot

Elle-Máiján aehtjebe lea saemie Nöörjeste, mearan tjidtjebe blackfoot-almetje tjierteste Kainai First Nation. Kanai-tjïerte aaj åehpies goh «the Blood Tribe» jallh «Kainaiwa». Daate tjïerte aktede dehtie stuerebe Blackfoot-dåehkeste gusnie golme tjïerth: siksikáwa, kainai og pieganere. Blackfoot-almetjh Albertesne, Canadesne, årroeminie, gusnie dejpeli bööffelh vijrin. Aaj åehpies dej aejlies aerpievuekien biejjie-daanhtsomen gaavhtan.

Aalkoealmetje-teema

Elle-Máiján filmh leah daamhtaj aalkoe-almetji dåeriesmoeri jïh ovreaktaj bïjre siebriedahkesne. Filmh leah festivaaline vuesiehtamme gelline sijjine veartenisnie, guktie filme-festivaalesne Berlinesne, festivaalesne Vancouver International Film Festival, festivaalesne imagineNATIVE Film and Media Arts Festival, festivaalesne Seattle International Film Festival, jïh festivaalesne Tromsø internasjonale filmfestival (TIFF).

Sist oppdatert 04.04.2018
Skrive av Tina Andersson Jensen
Rettshavar: Norgesfilm AS

Læringsressursar

Saemien filmestudije-aarkh