Hopp til innhald
Oppgåve

Kva kjøttkake smaker best?

I denne oppgåva skal de lage kjøttkaker på to ulike måtar og bedømme kva de synest blir best.
Spedd kjøttfarse i ein bolle. Foto.
Bilete: Astrid Hals / Avgrensa bruksrett

Oppgåve 1. Lag kjøttkaker av spedd masse

Lag tradisjonelle kjøttkaker etter følgande oppskrift:

Ingrediensar

  • 500 g kjøttdeig

  • 13 g salt

  • 3,5 dl heilmjølk (kald)

  • 20 g potetmjøl

  • ønskt krydder

Framgangsmåte

  • Pass på alle råvarene er kalde.

  • Bruk ein foodprosessor og bland inn saltet i kjøttdeigen.

  • Spe inn mjølka.

  • Smak til med valfritt krydder.

  • Form runde kaker med ei is-skei eller matskei. Steik i steikepanne til dei får farge på begge sider. Legg deretter kjøttkakene på eit steikebrett, og steik dei i varm omn i 8 minutt på 180 gradar.

Oppgåve 2. Lag kjøttkaker av uspedd masse

Lag tradisjonelle kjøttkaker etter følgande oppskrift:

Ingrediensar

  • 500 g kjøttdeig

  • 13 g salt

  • ønskt krydder

Framgangsmåte

  • Bruk ein foodprosessor og bland inn saltet i kjøttdeigen.

  • Smak til med same krydder som i oppgåve 1.

  • Form runde kaker med ei is-skei eller matskei. Steik i steikepanne til dei får farge på begge sider. Legg deretter kjøttkakene på eit steikebrett, og steik dei i varm omn i 8 minutt på 180 gradar.

Oppgåve 3. Smakstest

Server ei smaksprøve på kjøttkakene laga i oppgåve 1 og 2 til ti personar som skal svare på følgande spørsmål:

  1. Kva kjøttkake smakte best? Kvifor?

  2. Kva kjøttkake hadde best konsistens? Kvifor?

Kva for ei av kjøttkakene vart vinnaren?

Oppgåve 4. Evaluering

  • Kva meiner du er den største forskjellen på eit farseprodukt spedd med væske og potetmjøl og eit som ikkje er spedd? Er det smak eller konsistens?

  • Viste smakstesten det same som du meiner?