Sitrongras ser ut som tjukke grasstrå. Dei er lysegrøne og gule, og det er berre dei nedste 10 til 20 cm av stråa som blir selde. Sitrongras blir mykje nytta i asiatiske retter. Smaken er mild og sitronaktig.
Bruksområde
Sitrongras blir nytta til å setje smak på asiatiske supper og gryter, men blir fjerna før servering. Det passar fint saman med ingefær, chili, kvitlauk og sjalottlauk. Sitrongras kan òg nyttast rå som krydder i salatar for å gi sitronsmak, men må då hakkast opp i små bitar. Det er den nedste kjøtfulle delen som blir nytta.
Næringsinnhald
Vi kjenner ikkje dei ernæringsmessige eigenskapane til sitrongras.
Kvalitetskrav
Sitrongras skal vere heilt og uskadd, utan teikn til uttørking eller ròte.
Hugselappen
Norsk sesong:
Sitrongras blir ikkje produsert i Noreg.
Med andre ord:
latin: Cymbopogon citratus
engelsk: lemon grass
tysk: Zitronengras
fransk: verveine des Indes
Lagring:
0–4 °C