Oppgåve
Fellestrekk og forskjellar ved samfunnsvitskaplege metodar
I denne oppgåva skal du jobbe med å finne ut kva som er likskapar og forskjellar ved kvalitativ og kvantitativ metode i samfunnsvitskap.
Eit venndiagram kan vere nyttig når ein skal samanlikne noko. Bilete: Caroline Nesbø Baker / CC BY-SA 4.0
Lag eit venndiagram med ein sirkel for kvalitativ metode og ein sirkel for kvantitativ metode. Dei to sirklane skal overlappe i midten. Fyll inn det som kjenneteiknar dei to metodane, og skriv inn døme på dei to metodeformene. Kva er likt med dei to metodane? Dette fyller du inn i den overlappande delen, mellom dei to sirklane.