Oppgåve
Kunsten å selje bil
Er du ein seljar? I denne oppgåva skal du sjå nærare på salstriksa til ein bruktbilseljar og prøve deg på å marknadsføre ein bruktbil.
Trur du bilseljaren i videoen får selt mange bilar? Video: NRK / Avgrensa bruksrett
- Sjå filmen over, og kommenter argumenta til seljaren.
- Lag ei liste over salspunkta til seljaren og ei liste med kva du ville ha sagt i denne situasjonen.
Diskuter i klassa:
- Kva er det viktig å leggje vekt på når du skal selje ein bil?
- Vil det vere forskjell på salspunkta dine om du sel til kvinner eller menn, unge eller eldre? Kva er i så fall forskjellane, og kvifor er det slik?
I grupper
- Lag ein reklamefilm for ein bruktbil. Kanskje kan de låne bilen til ein de kjenner? Filmen kan vere 2–3 minutt lang.
- Sjå filmane saman i klassa, og stem på kva film som er best, med grunngivingar.