Passiv form med modalt hjelpeverb
Når ei passiv-setning inneheld eit modalt hjelpeverb, er det det modale hjelpeverbet som får bøying:
Die Tür muss geöffnet werden. Døra må opnast.
Die Fenster müssen geputzt werden. Vindauga må vaskast.
Deretter følger perfektum partisipp av hovudverbet, og til slutt kjem infinitivsforma av det passivdannande hjelpeverbet werden:
Der Lift konnte nicht benutzt werden. Heisen kunne ikkje brukast.
Das Klassenzimmer musste gelüftet werden. Klasserommet måtte luftast.
I nynorsk bruker vi vanlegvis såkalla st-passiv når setninga inneheld eit modalt hjelpeverb. Det vil seie at vi legg ein -ast til verbstammen: opn-ast, vask-ast, bruk-ast, luft-ast osb.
Tysk | Norsk | |
|---|---|---|
Presens | Der Koffer muss gepackt werden. | Kofferten må pakkast. |
Preteritum | Der Koffer musste gepackt werden. | Kofferten måtte pakkast. |
Presens perfektum | Der Koffer hat gepackt werden müssen.* | Kofferten har mått(a) pakkast.* |
Vi bruker svært sjeldan presens perfektum-forma av modale hjelpeverb i tysk. Vi bruker heller preteritum. Heller ikkje på norsk høyrest verbalet "har mått(a) pakkast" særleg elegant ut, men av og til kan ein finne denne forma i skrift.