I dette emnet ser vi nærare på retorikk og argumentasjon i medietekstar. Du skal vurdere retoriske strategiar, og du skal produsere argumenterande medieuttrykk innanfor ulike sjangrar. Emnet legg òg opp til analyse av medietekstar og eigne produksjonar.

God kommunikasjon handlar om å forstå kulturfellesskapet og å kunne utforme ein bodskap slik at han blir oppfatta av mottakaren. Kommunikasjonsmodellar hjelper deg med å forstå kva som kjenneteikner god mediekommunikasjon, anten det er du eller andre som står for han.