Fromasj og mousse

Fromasj har ein lett og kremaktig konsistens og kan varierast med ulike smakar. Fromasj består av egg, sukker, fløyte, gelatin og smaksstoff.

Framgangsmåte

• Legg gelatinen i kaldt vatn.
• Pisk kremfløyten nesten stiv.
• Pisk egg og sukker til eggedosis.
• Smelt gelatinen og tilsett smaksstoffet i han.
• Når gelatinblandinga er litt varmare enn lunken, blir tilset du ho i eggedosisen medan du rører raskt.
• Bland kremen forsiktig inn.
• Fyll så i former, og avkjøl.

Mousse liknar på fromasj, men han blir gjerne rekna som litt meir eksklusiv. Det blir nytta meir egg i mousse, og det blir nytta stivpiska eggekvite, noko som gjer at han blir luftigare enn fromasjen. Lagar ein mousse av andre råvarer enn sjokolade, blir det ofte nytta litt gelatin i tillegg.

Framgangsmåte

• Smelt sjokoladen i vassbad.
• Pisk kremfløyten lett.
• Skil egga, og pisk eggekvitane stive med sukker til marengs.
• Pisk eggeplommene lett saman, og bland sjokoladen i eggeplommene.
• Vend deretter marengsen litt etter litt inn i sjokolademassen. Tilset kremen til slutt.
• Fyll i former, og avkjøl.

I denne videoen får du sjå framgangsmåten for å lage fromasj og mousse.