Modulstrukturert opplæring: salsfaget
Om modulstrukturert opplæring for vaksne
Modulstrukturert opplæring inneber at læreplanen i eit fag er delt inn i modular som kan takast uavhengig av kvarandre.
Opplæring ut frå behov
Den vaksne har rett på realkompetansevurdering. Det betyr at opplæringa skal bygge på kompetansen den vaksne allereie har. På bakgrunn av realkompetansevurdering kan den vaksne få godkjent heile eller delar av modular.
Læreplanane er laga for å bli brukte i lærebedrifter og i skular. Det er inga fastsett opplæringstid på modulane. Modulstrukturerte læreplanar kan òg vere eit verkemiddel for å få kvalifisering innanfor introduksjonsprogrammet og arbeidsmarknadstiltak.
Lærebedrifta og fylkeskommunen inngår avtalar om fordeling av ansvar for opplæring. Til dømes kan fylkeskommunen ta ansvaret for opplæringa i kompetansemål frå fellesfag og programfag på vg1 og vg2.
Innhald i læreplanane
Modulane omfattar til saman heile innhaldet frå den ordinære læreplanen for vg3 i lærefaget. I tillegg er det teke inn kompetansemål frå vg1 og vg2.
Alle opplæringsløpa har òg opplæring i norsk og samfunnskunnskap. Læreplanen for norsk og samfunnskunnskap inneheld relevante kompetansemål frå norsk vg2 yrkesfaglege utdanningsprogram eller norsk for minoritetsspråklege og frå samfunnskunnskap vg1 og vg2.
NDLA har ei eiga ressursside for norsk og samfunnskunnskap i modulstrukturert opplæring.
Fagprøven
Opplæringa skal avsluttast med ein fagprøve. Før fagprøven må alle ha bestått ein skriftleg eksamen laga ut frå læreplanen i faget for vg3. Eksamen blir utarbeidd sentralt og sensurert lokalt. Fagprøven blir gjennomført innanfor ei tidsramme på to til tre verkedagar.
Relevante ressursar til salsfaget
Salsfaget er delt inn i fire modular:
regelverk og arbeidsliv
service og relasjonar
marknadsføring og salsprosessar
økonomi og berekraft i verksemda
Vi har laga ein tabell for kvar modul, og kvar tabell listar opp kompetansemåla med lenker til filtrerte søk. Søkeresultata består av emne, fagstoff, oppgåver, læringsstiar og kjeldemateriale som er laga for ungdommar i salsfaget, og er henta frå ndla.no.
Vi håper dei filtrerte søka hjelper deg med å finne relevante ressursar for undervisninga di. Du står fritt til å bruke, omarbeide og tilpasse ressursane. Nedst i kvar ressurs står det informasjon om reglar for bruk.
Modul: regelverk og arbeidsliv
Klikk på eit kompetansemål for å få opp filtrerte søkeresultat.
Kompetansemål | Søk frå fag |
---|---|
utforske og presentere områder og regelverk innenfor helse, miljø og sikkerhet og gjøre rede for bedriftens tiltak, egen rolle og mulighet til å medvirke | forretningsdrift (SRL02‑01) |
arbeide etter regelverk og avtaler som regulerer arbeidsforholdet i faget, og gjøre rede for arbeidsgiverens og arbeidstakerens plikter og rettigheter | forretningsdrift (SRL02‑01) |
reflektere over hvilke krav og forventninger som stilles til et likeverdig og inkluderende arbeidsliv i salgsbransjen | forretningsdrift (SRL02‑01) |
gjøre rede for bedriftens beredskapsplaner og egen rolle i konflikt- og nødssituasjoner, og gjennomføre førstehjelp | kultur og kommunikasjon (SRL02-01) |
Utdanningsdirektoratet: kompetansemål og vurdering for modulen regelverk og arbeidsliv
Modul: service og relasjonar
Klikk på eit kompetansemål for å få opp filtrerte søkeresultat.
Utdanningsdirektoratet: kompetansemål og vurdering for modulen service og relasjonar
Modul: marknadsføring og salsprosessar
Klikk på eit kompetansemål for å få opp filtrerte søkeresultat.
Utdanningsdirektoratet: kompetansemål og vurdering for modulen marknadsføring og salsprosessar
Modul: økonomi og berekraft i verksemda
Klikk på eit kompetansemål for å få opp filtrerte søkeresultat. I denne modulen blir ikkje alle kompetansemåla dekte opp av eksisterande fag på NDLA.
Utdanningsdirektoratet: kompetansemål og vurdering i modulen økonomi og berekraft i verksemda