Energiloven
Energiloven vart innført her i Noreg i 1991. Noko av målet med loven var at alle skal få lik tilgang på elektrisk kraft og til same pris, uansett kvar i landet dei bur. Vi skal sjå litt på infrastrukturen i kraftmarknaden og overføringssystema.
Distribusjonsnett
Frå produsent (kraftverk) og til forbrukar skal energien transporterast over lange avstandar. Vi ser litt på korleis dette blir organisert, og korleis spenningsnivåa endrar seg på vegen.
Forbruket vårt av elektrisk energi aukar for kvart år. Vi bruker ei enorm mengd energi fordi vi har mykje kraftkrevjande industri, og privatforbruket er prega av at straumen i Noreg lenge har vore billeg. Fordelinga av energi blir òg eit tema her.
Å overføre energi frå kraftverk til forbrukar er utfordrande. Vi har mykje fin natur i Noreg, men vi må gjere inngrep i naturen for å kunne samkøyre Noreg elektrisk. Her oppstår mange utfordringar med tanke på miljø og estetikk.
Kjøp og sal av energi
I Noreg har vi ein eigen kraftbørs, Nord Pool. Vi skal sjå litt på kva som påverkar kraftprisen, og korleis vi samarbeider med dei andre nordiske landa på dette området.
- Nord Pool (kjøp og sal, premissar)
- Samkøyringsnettet (sentralnett, regionalnett, lokalnett)
- Miljø og overføring (trasé, dyreliv, tryggleik, estetikk)
- Spenningsnivåa, eigarar og oppdeling