Samkøyringsnett

Samkøyringsnettet er det systemet som bind Noreg saman elektrisk. Det finst fleire tusen mil med kraftleidningar her i landet.

Her kan du sjå ein video om straumnettet frå Kraftskolen.

Sentralnettet er hovudpulsåra i den elektriske infrastrukturen i Noreg. Dette nettet gjer det mogleg å overføre elektrisk energi mellom landsdelane. I tillegg er det dette nettet som bind oss elektrisk til dei andre nordiske landa. Spenninga på denne delen av overføringsnettet er 300–420 kV.

Regionalnettet er eit landsdelsnett eller fylkesnett. Dette transporterer energien frå sentralnettet og fram til lokalnettet i heimkommunen din. Spenningsnivået her er ofte 66–132 kV.

Lokalnettet er det nettsystemet som bringar energien fram til forbrukarane. Spenningsnivået her er frå 22 kV og ned til 230/400 V, som er det du som forbrukar skal ha.

For å kunne overføre med forskjellig spenningsnivå er vi avhengige av transformatorar. Frå produsenten (kraftverket) blir spenninga transformert opp til 300–420 kV. Denne spenninga blir så transformert ned på sekundærstasjonane i regionalnettet (11–22 kV), før ho igjen blir transformert ned til 230/400 V ved hjelp av fordelingstransformatorar.

I lokalnettet er det to måtar å distribuere høgspentstraum på.

Stjernenett

Ringnett

Ringnett er i motsetning til stjernenettet veldig driftssikkert. Nettet blir drive som ein slutta ring, og vi kan ved driftsfeil eller brot på leidningsnettet køyre straum frå ein alternativ veg. Dette er nok den mest normale forma for distribusjon på lokalnettet. Ulempa med dette systemet er at alle kablar og leidningar må dimensjonerast dobbelt.