Olje- og energidepartementet
Det er Olje- og energidepartementet (OED) som har det overordna ansvaret for energipolitikken og kraftsystemet i Noreg.
Meir om Olje- og energidepartetementet
Norges vassdrags- og energidirektorat
Norges vassdrags- og energidirektorat (NVE) ligg under OED og har ansvar for å forvalte vassdrags- og energiressursane i Noreg. NVE skal sikre ei miljøvennleg forvaltning av vassdraga og medverke til effektiv energiomsetning. NVE har ei sentral rolle i beredskapen mot flaum og vassdragsulykker. Det er NVE som gir konsesjon for kraftutbygging. NVE er den instansen som set overføringstariffar og bestemmer inntektsrammene for nettselskapa.
Meir om Norges vassdrags- og energidirektorat
Statnett
Systemansvarleg nettselskap, som til kvar tid sørgjer for balanse mellom tilgang og forbruk av elektrisk forbruk, er Statnett. Statnett har ansvaret for sentralnettet og skal sjå til at dette er ope for alle aktørar i kraftmarknaden.
Enova
ENOVA er etablert for å ta vare på miljøet i kraftmarknaden. Dei skal fremje ei omlegging til meir miljøvennleg energiproduksjon og leggje til rette for at energieffektive og miljøvennlege løysingar skal bli enklare å velje. ENOVA blir finansiert gjennom straumrekninga og ligg under OED.
Nord Pool
Den første internasjonale råvarebørsen for elektrisk kraft i verda, Nord Pool, er kraftbørsen i Noreg og resten av Europa. Her blir handel og kontraktar for dei nordiske landa Noreg, Sverige, Finland og Danmark organiserte. Nord Pool er ein viktig del av infrastrukturen i den nordiske kraftmarknaden. Her blir det sett prisar på elektrisitet i den nordiske marknaden.