Fagartikkel
Skjemateikning
Skjemateikning omfattar ulike slags skjematekniske teikningar, til dømes eit koplingsskjema for eit elektrisk eller pneumatisk anlegg eller ei oversikt over eit prosessanlegg. Slike skjema skal ikkje innehalde for mange ord, og dei må lagast slik at ein lett kan forstå dei.
Skjema over eit avansert anlegg, i dette tilfellet ein Y/D-vendar. Bilete: John H. Vijzelaar / CC BY-SA 4.0
Skjemateikning er viktig når vi skal kople opp, kontrollere eller feilsøkje. Skal vi kunne gjere dette på ein tilfredsstillande måte, treng vi eit skjema vi kan lese og forstå.
Enkelte styringar blir utførte av kontaktorar eller relé, noko kan styrast med datamaskiner, og ein kan òg bruke PLS (programmerbar logisk styring) for å styre maskiner og anlegg.
Vi bruker hovudstraumskjema og styrestraumskjema for å vise styring for motor, pumpe osb.