Hopp til innhald
Fagartikkel

Jobbrapport

Når jobben er ferdig, skal det lagast ein rapport som beskriv arbeidet. Den lagar du ut frå arbeidsordren, arbeidsdokumentasjonen og notata dine.
Arbeidar skriv på tastatur. Illustrasjon.
Rapportskriving. Bilete: Sissel Paaske / CC BY-SA 4.0

Notat undervegs i arbeidet

Det er lurt å ta notat undervegs i ein arbeidsoperasjon. Notata bruker du både til planleggingsfasen, arbeidsutføringa og til jobbrapporteringa.

Når du jobbar offshore, er det vanleg å ha ei lita notatbok i kjeledressen, ho blir kalla ei . I den kan du notere ned informasjon du får i møte, -møte og -møte.

Undervegs noterer du òg informasjon om arbeidet som blir gjort i løpet av skiftet ditt.

Viktig informasjon til rapporten

Det er ulikt kva informasjon som er viktig for jobbrapporten. Nokon typar arbeid er direkte på ein brønn, mens andre typar arbeid er rigging eller fjerning av utstyr.

Dersom du jobbar på ein brønn, må du ha med denne informasjonen i jobbrapporten:

  • Namnet til brønnen heilt ned til riktig .

Namn på brønnen

Ein brønn blir gitt eit namn med mykje informasjon:
31/2 L-22 AY1H
31/2 fortel kor brønnen er plassert (kvadrant og blokk), “L“ kva plattform han går ut frå, “22“ er nummeret til brønnen.
“A“ betyr at dette er det første sidesteget i brønn 31/2 L-22.
Vidare betyr “Y” at sidesteget har ein eller fleire forgreiningar, “1” betyr at dette er første forgreining i sidesteget, og “H” betyr at dette er ein havbotnbrønn.

  • Ein tittel som beskriv arbeidsoppdraget:

    • Setjing av liner i ...

    • Perforering av ...

    • Komplettering med screen i lateral ...

    • Øvre komplettering i ...

    • Fjerne scale i ...

  • Utstyret som er brukt i brønnen

  • Vekt av arbeidsstreng og utstyr

  • Kva utstyr som er installert i brønnen

  • Teikning av utstyr som er brukt eller installert i brønnen

  • Dimensjonar som lengde og diameter

  • Djupet der arbeidet er utført i brønnen

  • Brønnhovudtrykk undervegs i arbeidet

  • Hendingar under arbeidsoperasjonen: restriksjonar/djup, friksjon/djup, trykkendringar og så vidare

I rapporten bør informasjonen merkast med dato og klokkeslett. Det noterer du undervegs i tallyboka og bruker til jobbrapporten.

Notat frå tallyboka:

Dato

Klokke

Aktivitet

4. april 2021

08:15

Toolbox talk – hugs avblødingsventilen på lubrikator

4. april 2021

10:35

Går inn i brønnen, Oppvekt: Nedvekt: Hengjevekt:

4. april 2021

11:15

Ved DHSV PÅ 511 mMD RKB,
Oppvekt: Nedvekt: Hengjevekt:

I jobbrapporten:

Dato

Klokke

Aktivitet

4. april 2021

08:15

Toolbox talk med dagskift og brønnleiar

4. april 2021

10:35

Går inn i brønnen med 13,5 meter lang vaskestreng
som vist på teikning, Oppvekt: Nedvekt: Hengjevekt:

4. april 2021

12:05

På TD 1307 mMD, Oppvekt: Nedvekt: Hengjevekt:
Startar skraping av scale

Kunden sitt behov for informasjon

Det er viktig at eigaren kan sjå kva som er endeleg status i brønnen når du er ferdig med arbeidet ditt. Då er informasjon om indre diameter, djup og lengde på utstyr som er installert, svært viktig. Også informasjon om profil på på utstyr i brønnen er viktig i tilfelle kunden ønskjer å trekkje det ut seinare.

Dersom du i arbeidet ditt oppdaga noko som var uventa, bør det òg nemnast i rapporten, slik at kunden er klar over eit mogleg problem.