På prøveeksamensdagen skal du ha tilgang til headset, digitale skriveverktøy og redigeringsverktøy for bilete, lyd og video. Opptaksverktøy eller verktøy som kan brukast til kommunikasjon, er ikkje tillate.
Oppgåve 1
A: Produser eit mem
Lag eit mem med utgangspunkt i eit av medieuttrykka nedanfor eller eit sjølvvalt aktuelt medieuttrykk.
Trykk på "Bruksrett" under presentasjonen for å sjå informasjon om opphavsrettar til bileta.
Memet ditt skal kaste lys over ein eller fleire problemstillingar knytte til mediemakt, representasjon i media og ytringsfridom og ytringsansvar, og det skal skape engasjement hos ei bestemd mottakargruppe.
Produktet skal kunne publiserast digitalt. Du må derfor ta medieetiske og juridiske omsyn.
Produktet skal lagrast i eit relevant digitalt format og leverast som filtillegg til det skriftlege svaret.
B: Kommenter eige medieprodukt
Fyll inn i skjemaet og eksporter teksten.
Oppgåve 2
Drøft denne fråsegna: Mediemakt blir i dag utøvd i like stor grad i sosiale medium som i redaksjonelle medium.
I argumentasjonen bør du vise til døme på maktutøving i sosiale medium og forklare korleis det memet du har laga, kan brukast i eit maktperspektiv.
I drøftinga skal du bruke mediefaglege omgrep og vise til mediefaglege teoriar.
Det er lov å ta med synspunkt eller sitat frå ulike kjelder. Hugs å legge ved ei liste over kjeldene du har brukt.