Kvifor flåtestyringstenester?
Med eit flåtestyringsprogram blir det enklare å administrere bilflåten (bilparken) og transportane. Flåtestyringsprogrammet sørger for effektiv informasjonsflyt og er med på å redusere papirarbeidet.
I tillegg gjer programmet det mogleg å maksimere driftstid, nyttelast og køyrelengde og overvake tilstanden til lastebilane. Slik kan ein få til ein effektiv og lønnsam dagleg drift, og bedrifta kan fokusere på det som er viktigast: å ta vare på kundane.
Korleis fungerer eit flåtestyringssystem?
Eit flåtestyringssystem gir befraktaren full oversikt over sjåførar og oppdrag slik at hen lett kan sjå kva sjåførar som kan ta på seg nye oppdrag.
Eit flåtestyringssystem gir befraktaren posisjonen til lastebilen og detaljerte opplysningar om sjåfør, køyrefart, last og køyretøytype.
Befraktaren kan også sjå drivstofforbruk, køyrelengde, utsleppsnivå osb. over tid for kvar enkelt bil.
Befraktaren har tilgang til varsel og alarmlamper i instrumentgruppa til køyretøyet og kan sjå nøyaktig når og kvar eit problem oppstod.
Fartsskrivardata blir lasta ned automatisk, noko som sparer administrasjonstid.