Hopp til innhald
Oppgåve

Analyser eigen medieproduksjon

Vel ut ein medieproduksjon du har laga i løpet av året og lag ein mediefagleg analyse. Her skal du vise til ulike sider ved medieuttrykket ditt.
To jenter sit og ser på bilete på eit digitalt kamera. Den eine har ei berbar datamaskin på fanget. Foto.
Bilete: Maskot, NTB scanpix / CC BY-NC 4.0

Oppdrag

  • Vel ut ein medieproduksjon du sjølv har laga. Medieproduksjonen skal danne utgangspunktet for ein medieanalyse.

  • I analysen skal du plukke produksjonen frå kvarandre, og du skal vise til ulike perspektiv og sider ved medieuttrykket.

  • Du vel sjølv kva sider ved medieproduksjonen som du meiner er relevant å gå inn på i analysen. Hjelpespørsmåla under kan hjelpe deg på veg.

  • Lag ein digital presentasjon der du presenterer analysen.

  • Hald presentasjonen for resten av klassen til slutt.

Punkt til hjelp


  • Kommunikasjonsprosess: Bruk relevant teori og kommunikasjonsmodellar som hjelpemiddel når du skal analysere og vurdere produksjonen.

  • Kontekst: Set medieproduktet inn i ein kontekst og samanheng.

  • Funksjon: Kva er hensikta og formålet med medieproduktet?

  • Oppbygging: Beskriv strukturen, bruken av forteljarelement og verkemiddel.

  • Retorikk: Kva for nokre retoriske grep har du brukt? Appellerer medieproduktet til kjensler eller fornuft? Eller speler du på etos, altså truverd, for å treffe målgruppa?

  • Tolking og forståing: Pek på ulike måtar publikum kan tolke og forstå medieuttrykket på, og reflekter rundt kva konsekvensar ulik tolking og forståing kan få for bodskapen din.

Relatert innhald