Rettleiing
HMS for industrimålaren
Ein må ha god kunnskap om kjemikaliar i dette faget. Gode kunnskapar om korrosjonstypar, reingjerings- og påføringsmetodar er og viktige for ta vare på tryggleiken i faget.
Verneutstyr for industrimålar. Bilete: Kjell Brørs / CC BY-SA 4.0
Det er mange typar målingssystem, og mange inneheld flyktige løysemiddel som krev at vi beskyttar oss, enten med kolfiltermasker eller friskluftsmaske.
Verneutstyr som blir brukt under sandblåsing:
- Friskluftsmaske med hjelm
- Arbeidsdress for sandblåsing
- Skinnhanskar
- Høyrselsvern
- Vernestøvlar
Ein arbeider ofte frå stillas og liftar, så kompetanse her er påkravd. Fallsikringsutstyr er også mykje brukt, då det også er arbeid på vanskelege stader i høgder. Vedlikehald på faste installasjonar i høgda er ei vanleg arbeidsoppgåve.