Journalistikk er informasjon om noko som faktisk finst eller noko som faktisk har hendt. Derfor må journalisten vurdere informasjon frå kjelder på ein kritisk måte. Journalisten har eit viktig samfunnsoppdrag på vegner av folket og må følgje presseetiske reglar.

Journalistar hentar inn, omarbeider og formidlar informasjon til publikum gjennom ulike redaksjonelle medium på ein fri og uavhengig måte. Samfunnsoppdraget til journalistikken er å informere borgarane på ein faktabasert måte, avdekke maktmisbruk og opne for dialog og debatt.