Utforsk eit dagsenter

Lag ein presentasjon i form av PowerPoint, plakat, digital forteljing, film, Prezi eller liknande. Presenter for resten av klassen.

Vel om de vil jobbe individuelt, i par eller i grupper.

Finn informasjon på internett og besøk gjerne eit dagsenter i kommunen din. Viss du besøker senteret, har du moglegheit til å snakke med eller intervjue ein fagarbeidar på senteret for å få svar på spørsmåla dine.

Presentasjonen skal innehalde

• namn på dagsenteret

• kven som er målgruppa for senteret

• korleis ein får plass på dagsenteret

• talet på brukarar

• talet på tilsette

• opningstider

• organisering og innhald i dagen

• kva aktivitetar som blir tilbodne

• kva yrkesgrupper som jobbar der, og kven dei samarbeider med

• arbeidsoppgåver for fagarbeidaren

• kva eigenskapar, haldningar, ferdigheiter og kunnskapar som er viktige for å arbeide der

• bilete/videoar av ulike aktivitetar (hugs å ikkje ta bilete av personar utan samtykke på førehand)

• bilete av senteret, innvendig og utvendig

• eventuelt andre ting du synest er interessant

Reflekter individuelt, i gruppe eller i klassen over dei følgande spørsmåla:

1. Kva er positivt med å jobbe på eit dagsenter?

2. Kva utfordringar kan det vere med å jobbe på eit dagsenter?

3. Kva bidreg dagsentertilbodet til for

   • den enkelte

   • pårørande

   • samfunnet

4. Korleis vareta sjølvbestemming for personar som er på eit dagsenter?

5. Kva eigenskapar, haldningar, kunnskapar og ferdigheiter er viktige når du arbeider på eit dagsenter?