Kvifor jobbe i barnehage?

Nina er barne- og ungdomsarbeidar. I filmen (2 minutt) fortel ho om det ho er oppteken av i arbeidet med barn. Ho er oppteken av å sjå kvart enkelt barn og å få eit godt forhold til dei. Dei er veldig stolte av bie-prosjektet som bidreg til at barna vil ta vare på naturen. Slik blir barna i betre stand til å ta vare på miljøet i framtida.

I filmen under (ca. 3 minutt) møter du Erik som er lærling i ein barnehage. Han fortel at han ønsker å bli barne- og ungdomsarbeidar for å vere ein god rollemodell for barna. Vi følger han i ulike aktivitetar med barna gjennom dagen, både inne og ute. Han fortel at ein barne- og ungdomsarbeidar må ha interesse og engasjement for å kunne jobbe med barn. I dette arbeidet er det viktig å vere reflektert over det du gjer, og korleis det du gjer, blir for barna.