Å bidra til at barn og unge utviklar eit positivt sjølvbilete og å førebygge mobbing er viktig i arbeidet som barne- og ungdomsarbeidar. Barn og unge treng vaksne som bidreg til å styrke sjølvkjensla deira, og som kan snakke med dei om kva dei kan gjere for at alle skal ha det greitt.

Alle som arbeider med barn og unge, har plikt til å følgje med på kva som skjer i miljøet, og gripe aktivt inn viss dei ser at barn blir utsette for krenkingar eller mobbing. Pedagogiske institusjonar må ha gode rutinar for å observere og undersøkje korleis miljøet er, og stoppe uønskte handlingar.