Innhaldsproduksjon for digitale medium må ta omsyn til multimedialitet og interaksjon. Lyd, bilete og tekst må setjast saman til ein meiningsberande bodskap, og design og innhald må fungere på skjerm. Brukargrensesnitt og strukturering må vere formålstenlege slik at navigasjonen går saumlaust.

Du har nesten uavgrensa med moglegheiter til å produsere fleirmediale, digitale forteljingar sett saman av mange ulike medietypar. Då er det viktig at du har ei god forteljing i botn og bruker medietypar og verkemiddel medvite for å formidle forteljinga på ein god måte til målgruppa.