Filmsamling: Såing, Potting og Prikling

Jord frå ein sekk blir helt i magasinet til maskina. Jorda dregst automatisk over til den andre sida. Ein rund pottehaldar snurrar pottene trinnvis inn slik at det først blir fylt jord, så lagar boret eit fem centimeter djupt og breitt hol. Planten blir sett manuelt i holet, og potta blir løfta over til ei potteramme med plass til tolv potter. Potteramma blir sett på tralla som har fleire etasjar med brett med plass til mange potterammer. Inne i veksthuset blir to og to potterammer løfta over til plantebordet i veksthuset, og enkeltpottene kan setjast ut tett i tett.

Forteljaren står ved eit arbeidsbord dekt av jordfylte potter. Oppå pottene står såkassa med dei spirande plantane. Ein god klump med jord og spirer blir teken ut, og med priklepinnen og fingrane skilst ein enkeltplante ut. Priklepinnen stikk eit fem centimeter djupt hol midt i ei av pottene og planten blir plassert i holet. Med priklepinnen og den andre handa blir jorda trykt saman rundt røtene på planten. Deretter blir prosessen gjenteken med ny plante i ei ny potte.