Filmsamling: Grashausting

Film om slåtten (4:39)

Oppgåver

1. Kva er forskjellen på direktehausting og totrinnshausting, og når kan det vere fordelaktig å bruke det eine framfor den andre?

2. Beskriv heile prosessen frå graset blir slått til det er klart til lagring i rundballar. Ta med korleis stengelbehandling og tørk påverkar resultatet.

3. Kva faktorar bør bonden vurdere når hen skal velje mellom rundballar og silo som lagringsmetode?

4. "Det er viktigare å få hausta mykje gras enn å tenke på næringsinnhaldet." Er du einig eller ueinig? Grunngi og diskuter ulike synspunkt.

5. Korleis heng god slåtteteknikk saman med dyrevelferd og økonomi i mjølkeproduksjon?

Film om ranking (2:22)

Oppgåver

1. Kva meiner ein med "sporefri ensilering"? Kvifor er det viktig?

2. Beskriv prosessen. Lag ei punktvis forklaring på kva som skjer med graset frå det blir slått til det er klart som fôr.

3. Kva kan bonden gjere for å hindre at jord og bakteriar kjem med i fôret? Kvifor er dette viktig?

4. Korleis kan feil under hausting av gras påverke mjølkekvaliteten fleire veker seinare?

5. Viss ein bonde opplever mykje smørsyrelukt i siloen og redusert mjølkekvalitet – kva punkt i hausteprosessen bør hen gå gjennom for å finne årsaka?

Film om pressing, samankøyring og lagring (6:22)

Oppgåver

1. Det kjem oksygen inn i ein rundballe etter at han er pakka. Forklar kvifor dette kan føre til varmgang og korleis det påverkar kvaliteten på fôret.

2. Kvifor er det så viktig at rundballen får ei jamn og sylindrisk form?

3. Kva kan skje viss presskammeret ikkje blir jamt fylt?

4. Ein bonde finn hol i plasten på ein rundballe to dagar etter pakking. Kva konsekvensar kan det få viss holet ikkje blir reparert?

5. Rundballane er pressa og pakka, men blir liggande ute i enga i to døgn før dei blir køyrde til lagringsplassen. Kva kan dette føre til, og korleis kan bonden unngå slike problem neste gong?

6. Vurder følgande påstand: "Jo meir plast, jo betre rundballe."

Film om ensilering av gras (5:19)

Oppgåver

1. Kva er fordelen med å fortørke graset før det blir pakka? Forklar korleis dette påverkar både mengde, kvalitet og behovet for plast og ensileringsmiddel.

2. Kva er forskjellen på mjølkesyregjæring og smørsyregjæring? Kva type ønsker vi, og kvifor?

3. Kva kan skje viss graset blir for tørt før det blir pakka? Beskriv moglege problem med pressing og ensilering, og kva ein kan gjere for å unngå dette.

4. Ein bonde har brukt lite ensileringsmiddel og fortørka dårleg. Kva slags gjæringsprosess kan oppstå, og kva konsekvensar får det for fôret?

5. Samanlikn fordelar og ulemper ved ulike nivå av tørrstoff (15 % vs. 30 %). Kva skjer med talet på rundballar, kvaliteten på fôret og behovet for plast?

Film om utviklingsstadar og fôrkvalitet i gras (4:24)

Oppgåver

1. Kvifor er det ikkje mogleg å fastsetje éin dato for slått som passar for heile landet? Forklar med utgangspunkt i klima og vekstsesong.

2. Kva skjer med energi, protein og fiberinnhald i graset etter kvart som utviklinga går frå stengelstrekking til full skyting? Beskriv endringane og kva det betyr for fôrkvaliteten.

3. Kva fôr passar best til mjølkekyr, og kva til sau eller hest? Samanlikn krava til energi, protein og fordøyelegheit.

4. Kva er fordelen med å bruke timotei som indikator for utviklingsstadium i enga? Kvifor er det nyttig med ei felles referanseplante?

5. Lag ei oversikt over tre utviklingsstadium (byrjande skyting, skyting, full skyting), og kva som kjenneteiknar kvart stadium. Ta med korleis kvart stadium påverkar fôrkvalitet.