I går, i dag, i morgen

Del 1: Handling og konflikt

Les novella og svar på spørsmåla:

1. Kva får vi vite om eg-personen? Kva er bakgrunnen hans, og kva slags forhold har han til foreldra sine?
2. Kva for ein konflikt er det han står oppi?
3. Korleis har han tenkt å løyse denne konflikten? Og kva er grunnen til at han vel nettopp denne strategien?
4. Forklar korleis forfattaren bygger opp spenninga i novella.
5. Novella har ein overraskande slutt. Forklar.
6. "I går, i dag, i morgen" er tittelen på novella. Korleis heng denne tittelen saman med innhaldet og handlinga?
7. "Age quod agis" tenkjer hovudpersonen – det du gjer, gjer fullt og heilt. Gjer han sjølv ting fullt og heilt? Kva synest du? Grunngi svaret ditt.
8. Er det riktig å seie at konflikten guten opplever, har oppstått fordi foreldra hans er frå Pakistan? Eller kan denne typen konfliktar oppstå uavhengig av kva kultur ein tilhøyrer? Diskuter.

Del 2: Skriv eit resymé

Skriv eit kort samandrag av konflikt og handling i novella. Resymeet skal vere på mellom 170 og 200 ord.

Del 3: Skriv ein argumenterande tekst

Hovudpersonen i novella lurer foreldra sine. Kva synest du om dette?

• Er det lurt av han å vente med å fortelje foreldra sine at han vil studere litteraturvitskap?
• Burde han vore oppriktig mot foreldra og fortalt om framtidsdraumen sin?
• Burde han gjort som foreldra ønsker?

Skriv ein argumenterande tekst der du peiker på positive og negative sider ved dei ulike løysingane. Innlei teksten din ved å gjere kort greie for konflikten guten opplever og handlemåten han vel. Finn òg ein passande tittel.

Del 4: Skriv ein kort argumenterande tekst

Kven er det lurt å lytte til når du skal velje utdanning og yrke, og kvifor? Skriv ein kort tekst med ditt svar på spørsmålet. Teksten skal ha

• ein treffande tittel
• ei kort innleiing
• to-tre avsnitt i hovuddelen
• ei avslutning med ei oppfordring til lesaren