Utforsk eiga fleirspråklegheit

Del 1: Diskuter

Diskuter i par eller grupper:

• Kva er fleirspråklegheit?

• Kor mange språk bruker du dagleg?

• Kva for eit språk bruker du mest?

• Kva for eit språk bruker du minst?

Del 2: Sjå filmen og svar på spørsmål

Lengde på filmen er 9:40.

1. No skal de skrive ferdig desse setningane. Jobb gjerne i par:

   • I denne filmen fortel professor Joke Dewilde om …

   • Dewilde meiner at …

   • I tillegg lærer vi at fleirspråklegheit er ein styrke fordi …

   • Vi får òg eit råd om å bruke førstespråket vårt når vi lærer om eit nytt tema, fordi …

2. Teikn inn språka i eit språkmenneske for å vise kva slags forhold du har til dei ulike språka du kan. Kva språk vil du plassere nær hjartet? Kva språk høyrer til i hovudet? Bruk gjerne fargar!

• Språkmenneske(PDF)

Del 3: Skriv sjølv

Tenk på fleirspråklegheita di som ein ressurs. Skriv ned tankar om kvifor dette er positivt i ein tekst. Bruk gjerne desse setningsstartarane:

• Eg er ein fleirspråkleg person fordi eg snakkar …

• Heime bruker eg …

• Saman med venner bruker eg …

• På skulen snakkar eg …

• I den framtidige jobben min trur eg at ...

Gi teksten din tittelen "Eg – ein fleirspråkleg person".

Del 4: Fleirspråklegheit i arbeidslivet

Diskuter i grupper:

1. Kva er fordelen med å vere fleirspråkleg?

2. På kva måte er det ein fordel å vere fleirspråkleg i det framtidige yrket ditt? Lag ei liste med forslag.

3. Del forslaga i klassen.

4. Gå saman i grupper og vel anten oppgåve a eller b:

   1. Lag eit rollespel som viser situasjonar der fleirspråklegheit er ein styrke.

   2. Lag ein podkast der de drøftar fleirspråklegheit i kvardagen og i arbeidslivet.