Modellering
Start med å lage ei grunnform. Viss skulpturen skal vere tjukkare enn om lag 2 cm, bør han vere hol inni for å unngå at han sprekk opp. Då kan det vere lurt å fylle dette holrommet med avispapir for å støtte forma innanfrå. Holrommet må ha eit lufthol gjennom veggen av skulpturen slik at det ikkje blir eit vakuum som kan eksplodere i omnen. Viss du skal lage store ting, er det lurt å bruke ei leire med chamotte i, som gjer han sterkare.
Når grunnforma er ferdig, kan du leggje til leire og modellere fram dei formene og teksturane du ønskjer med fingrane og modelleringsverktøy. Du kan òg skjere eller skrape leira bort for å skape former. Viss hovudforma har vorte lêrhard, er det viktig at du rissar opp leira og nyttar slikkar, slik at den nye leira festar seg.
Relatert innhald
I denne oppgåva skal du lage ein skulptur av eit dyr. Skulpturen skal ha ei tredimensjonal form som fungerer frå alle vinklar.
Slikkar er flytande leire som ein bruker til å lime saman delar av fuktig eller lêrhard leire. Lag slikkar ved å knuse tørr leire og løyse det opp i vatn.