Annuitetslån

Formelvisninga av reknearket ser slik ut:

Legg merke til at celle B4 har prosentformat.

Utklippet nedanfor viser radene 24–27 i reknearket.

På rad 27 har restlånet blitt negativt. Det betyr at den siste innbetalinga skjer i rad 27, og då får vi av kolonne A at det blir totalt 19 innbetalingar. Det tek altså 19 månader å betale ned lånet.

Det betyr òg at den siste innbetalinga skal vere mindre enn 1 000 kroner.

Endre formlane i rad 27 slik at restlånet blir 0 i den rada.

Etter den 18. innbetalinga har vi at restlånet er 599,20 kroner. Det betyr at avdragsdelen i rad 27 skal vere lik dette talet slik at vi akkurat betaler ned lånet. Då skriv vi =F26 i celle E27. Vi må derfor i celle B27 rekne ut kor mykje som skal betalast inn ved å legge saman avdraget i celle E27, månadsgebyret i celle D27 og renta i celle C27. Den 19. og siste innbetalinga blir på 659,68 kroner.

Formelvisning av reknearket:

Kostnaden med lånet er summen av rentene og gebyra. Vi summerer først tala i kolonnane for rente og månadsgebyr med kommandoen "Summer". Så legg vi dei saman i celle B30.

Formelvisning av reknearket:

Lånekostnaden vart 3 660,68 kroner.

Nedanfor kan du laste ned det ferdige reknearket.

• Ferdig rekneark(XLSX)

Vi forandrar den faste innbetalinga i celle B3 til 1 500 kroner. Då får vi at lånet er nedbetalt etter 12 terminar, altså eit år.

Ved å gjere den same endringa på den siste innbetalinga som vi gjorde i oppgåve d), får vi at lånekostnadene blir 2 294,96 kroner.

Lånekostnadene blir mindre i oppgåve f) enn i oppgåve d) fordi i oppgåve f) betaler vi raskare ned på lånet. Då blir det mindre rentekostnader og færre månadsgebyr.

Prøv deg fram med ulike beløp i celle B3 til lånet akkurat er nedbetalt etter 24 terminar.

Vi lagar 24 innbetalingar i reknearket og prøver med ulike beløp i celle B3 til restlånet er så nær 0 vi kjem etter den 24. innbetalinga. Det næraste er eit terminbeløp på 820,73 kroner. Då er restlånet 0,10 kroner.

Som eit utgangspunkt kan du bruke reknearket over.

Du må rekne ut månadsrenta. Sjå teorisida "Lån". Legg inn ei ekstra rad i reknearket i inndataområdet slik at du har plass til både årsrenta og månadsrenta.

Vi bruker reknearket frå oppgåve d), legg inn ein ekstra kolonne for årsrenta i inndataområdet og reknar ut månadsrenta ved å dele årsrenta på 12.

Formelvisning av reknearket:

Lånet er betalt tilbake etter 18 månader, eller eit og eit halvt år, og lånekostnaden er 2 333,59 kroner.

Nedanfor kan du laste ned reknearket som er brukt.

• Ferdig rekneark(XLSX)

Renta er litt lågare ved bruk av kredittkortet enn ved avbetalinga. Det kan vere fordi du må søke banken om å få kredittkort. Dersom du har dårleg økonomi (låg inntekt, stor gjeld frå før eller store utgifter), er det ikkje sikkert banken vil gi deg eit slikt kredittkort. Krava for å få godkjent ein avtale om avbetaling er nok enklare, men det kostar meir sidan forretninga som gir deg avbetaling, tek ein større risiko.

Vi forandrar talet i celle B5 til 20. Resultatet er at lånet er betalt tilbake etter 18 innbetalingar og no kostar 2 971,86 kroner.

Vi forandrar talet i celle B3 til 800. Resultatet er at vi no må ha 24 innbetalingar, som betyr at du må betale på lånet i to år. Lånet kostar 3 927,53 kroner.

(Måtte du setje inn fleire rader i reknearket for å finne ut dette?)

Vi skriv talet null for dei tre første innbetalingane i kolonne B. Månadsgebyra må òg setjast lik null sidan vi må gå ut frå at du slepper desse når du heller ikkje betaler inn. Det er òg mest logisk å forandre på innbetalingsnummera i kolonne A (men det er ikkje nødvendig for å svare på oppgåva). Legg merke til at tala under "Sum til avdrag" blir negative og lik minus renta.

Formelvisning av reknearket:

Restlånet aukar dei tre første månadene fordi renta blir lagt til. Du treng no 26 innbetalingar. Lånet kostar deg no 5 202,27 kroner. Lånet blir dyrare fordi renta går sjølv òg dei tre første månadene. Forskjellen i lånekostnad frå den førre oppgåva er

$\mathrm{5\; 202,27} \mathrm{kr}-\mathrm{3\; 927,53} \mathrm{kr}=\mathrm{1274,74} kr$

Er det verkeleg eit godt tilbod?

Nedanfor kan du laste ned reknearket som er brukt.

• Ferdig rekneark(XLSX)

Vi skriv inn tala i lånekalkulatoren. Nedanfor ser du korleis lånekalkulatoren såg ut i februar 2025, og kva han kom fram til. Du får sikkert litt andre tal.

Legg merke til at lånekalkulatoren set lånebehovet til 103 534 kroner. Det betyr at banken tek eit gebyr på 3 534 kroner for å gi deg lånet. Terminbeløpet blir 2 140 kroner per månad, og den nominelle årsrenta er 7,50 prosent. Totalkostnaden for lånet er 128 400 kroner, som betyr at det vi har kalla lånekostnaden, er på 28 400 kroner.

Lag plass i inndataområdet både til rentefot per år og rentefot per månad. Set månadsgebyret lik 0 i første omgang. Noter kor stort det første avdraget er, og rekn ut kva månadsgebyret skal vere for at det første avdraget skal bli likt det som står i betalingsplanen i lånekalkulatoren.

Med eit månadsgebyr på 65,91 kroner blir det første avdraget på 1 427 kroner, det same som i betalingsplanen i lånekalkulatoren.

Formelvisning av reknearket:

Hugs å ta med oppstartsgebyret som lånekalkulatoren legg til lånet, både i celle B2 og i berekninga av lånekostnaden nedst. Vi ser at vi ikkje har nedbetalt lånet fullstendig etter 60 terminar, berre nesten. Lånekostnaden vart nokså lik det lånekalkulatoren kom fram til. Forskjellen kan ligge i at lånekalkulatoren rundar av tala, og i tillegg har vi eit ekstra månadsgebyr på 65,91 kroner fordi vi har ein termin ekstra.

Nedanfor kan du laste ned reknearket som er brukt.

• Ferdig rekneark(XLSX)

I inndataområdet i reknearket kan du ha ei rad for prisen på sykkelen og ei rad for oppstartsgebyret.

Wenche er ferdig med avbetalinga etter 18 innbetalingar, altså eit og eit halvt år. Lånet kostar henne 3 444,29 kroner, så sykkelen blir så mykje dyrare kjøpt på avbetaling samanlikna med å kjøpe han og betale alt med ein gong.

Nedanfor kan du laste ned reknearket som er brukt.

• Ferdig rekneark(XLSX)

Vi lagar ein ekstra kolonne i inndataområdet i reknearket for månadsrenta som skal gjelde frå og med innbetaling nummer 7. Så må vi forandre på formelen for renteberekningane frå og med 7. innbetaling slik at vi reknar med den nye renta.

Det er framleis nok med 18 terminar, men lånekostnaden aukar til 3 580,05 kroner, omtrent 140 kroner meir enn i oppgåve a), der renta var 2,25 prosent heile tida.

Nedanfor kan du laste ned reknearket som er brukt.

• Ferdig rekneark(XLSX)

Etter litt prøving og feiling med den faste innbetalinga får vi at lånet er (så godt som) innbetalt etter 12 innbetalingar når den faste innbetalinga er 961,47 kroner. (Restlånet er 0,03 kroner.) Lånekostnadene er no 2 538,67 kroner, nesten 1 000 kroner mindre enn enn med vilkåra i oppgåve a).

Nedanfor kan du laste ned reknearket som er brukt.

• Ferdig rekneark(XLSX)

Ho må betale

$759 \mathrm{kr}·36+390 \mathrm{kr}=27 714 \mathrm{kr}$

Vi må rekne ut kor mange prosent prisforskjellen er av den opphavlege prisen.

$\frac{27 714 \mathrm{kr}-19 990 \mathrm{kr}}{19 990 \mathrm{kr}}=0,386=38,6\%$

Tv-en blir 38,6 prosent dyrare. (Oppgåva kan òg løysast ved å rekne ut vekstfaktoren.)

Prøv deg fram med å forandre den nominelle renta til den månadlege kostnaden blir 759. Kontroller at du har lagt inn dei rette tala ved å opne betalingsplanen.

Avbetalingsordninga vil gi ei nominell rente på 16,1 prosent og ei effektiv rente på omtrent 23,8 prosent.

Bruk til dømes reknearket i oppgåve 4. Lag ei ekstra rad rett etter månadsrenta der du reknar ut årsrenta. Set opp reknearket med 36 innbetalingar, og prøv deg fram med ei månadsrente til lånet er akkurat nedbetalt etter den 36. innbetalinga. Ei månadsrente på 1,345 prosent gjer at det er igjen omtrent 7 kroner i restgjeld. Då blir årsrenta 16,14 prosent.

Nedanfor kan du laste ned reknearket som er brukt.

• Ferdig rekneark(XLSX)