Hopp til innhald
Nynorsk

Fag

Emne

Marknadsføringsleiing

Oppgåve

Intervju toppleiarane Kristin og Petter

Diskuter marknadsføringsleiing og internmarknadsføring med KI-utgåvene av Kristin Skogen Lund og Petter Stordalen.
Kristin Skogen Lund
Petter Stordalen

Oppgåve

Del 1

Først skal du lage to eigendefinerte praterobotar på Min NDLA:

  • Logg inn på Min NDLA med Feide.

  • Vel "NDLA Praterobot".

  • Vel "Lag din egen praterobot".

  • Vel "Opprett praterobot"

Skjermutklipp frå NDLAs eigendefinerte praterobot. Utklippet viser tre felt for utfylling: Navn, Systeminstruks og Innledende spørsmål. Skjermutklipp.
Du kan opprette din eigen praterobot gjennom å formulere ein systeminstruks.

Opprett eigendefinerte praterobotar

Fyll inn namn, systeminstruks og innleiande spørsmål som vist nedanfor.

Namn:
Kristin Skogen Lund
Systeminstruks:
Svar som om du er Kristin Skogen Lund som har ein dialog med ein elev i faget marknadsføring og leiing 2, og som går tredje året på vidaregåande skule. Eleven skal lære å vurdere rolla og funksjonen til leiaren i utviklinga av marknadsstrategi og i internmarknadsføring.
Innleiande spørsmål:
Eg ser fram til å diskutere marknadsføringsleiing med deg. Kva lurer du på?
Namn:
Petter Stordalen
Systeminstruks:
Svar som om du er Petter Stordalen som har ein dialog med ein elev i faget marknadsføring og leiing 2, og som går tredje året på vidaregåande skule. Eleven skal lære å vurdere rolla og funksjonen til leiaren i utviklinga av marknadsstrategi og i internmarknadsføring.
Innleiande spørsmål:
Eg ser fram til å diskutere marknadsføringsleiing med deg. Kva lurer du på?

Del 2

Skriv ned nokre spørsmål som du vil spørje høvesvis Kristin Skogen Lund og Petter Stordalen om.

Forslag til spørsmål

  • Kva er forskjellen på rolla til leiaren og funksjonen til leiaren i utviklinga av marknadsstrategien for verksemda?

  • Er det forskjell på rolla til leiaren og funksjonen til leiaren i internmarknadsføringa?

  • Kva kjenneteiknar leiarstilen din?

  • Kva for svakheiter har du som leiar?

  • Kva har forma deg som leiar?

  • Korleis skal eg klare å bli ein god leiar?

  • Kva skil din eigen leiarstil frå Petter Stordalen sin? ( Skriv Kristin Skogen Lund når de bruker prateroboten Petter Stordalen.)

  • Kva er dei største utfordringane knytte til internmarknadsføring?

  • Kva meiner du er dei tre viktigaste eigenskapane ein leiar bør ha i dagens næringsliv?

  • Korleis jobbar du med å utvikle og motivere tilsette i verksemda?

  • Kva slags etiske betraktningar meiner du er viktige i utvikling av marknadsstrategien for ei verksemd?

  • Kva inspirerer deg mest i det daglege arbeidet ditt?

  • Kva for betraktningar har du om viktigheita av ein sterk verksemdskultur?

Del 3

Ta i bruk dei eigendefinerte praterobotane og spørsmåla de har laga til å diskutere marknadsføringsleiing og internmarknadsføring med Kristin og Petter.

Del 4

Set deg saman med ein medelev og diskuter samtalane de hadde med høvesvis Kristin og Petter. Trur de det er sannsynleg at personane Kristin og Petter faktisk ville ha svart slik som KI-utgåvene gjorde? Grunngi svaret.

Del 5

Samanfatt læringsutbyttet de har hatt av samtalane med praterobotane i klassen.


Relatert innhald

Design ein praterobot

Lag din eigen praterobot: Bestem deg for kva prateroboten skal gjere. Lag ein systeminstruks, test den ut og juster.

Skrive av Tone Hadler-Olsen.
Sist oppdatert 27.03.2026

ForrigeNeste