Fealadidh
Goltelh jïh lohkh
Raajroe
Daate soptsese lea gærjeste Lohkede saemien, maam Knut Bergsland jïh Ella Holm Bull tjaaleme. Daennie soptsesisnie maahtah lohkedh guktie dah raajrojne juhtin.
Daelvie-juhteme Svöörjese
"Måjhtam akten tjaktjen dunnie Måelhkien åvtelisnie dennie råvnan ïentjesne dle geasastehtimen. Joe lij naa tjeara dan iehkeden eannan loevenimh. Dellie jiekie Laara guvhkeli. Gaavelh-råantjoeh govlijin, dle dallatjinie gujht valkesehtjieh. Aehtjie jïjtje veelti dam åenebem raajroem jïh tjidtjie dejnie guhkiebinie raajrojne. Nåå daajroes desnie dah smaave maanetjh, dennie tjidtjien raajrosne, aehtjien raajrosne dle mijjieh stuerebh ångkenh. Manne lim dle dan båeries guktie manne tjoeverim tjoejkedh, edtjieh jienebem daeverem meatan dan gieriehtsasse tjeekedidh. Manne tjoejkem jïh sæjloem jïh njæjhkoem. Ij lij gujht dïhte naan raerieh, tjoeverim barre tjoejkedh jïh aaj bååverdidh. Gosse öövre sæjloem, dellie aaj gierehtsen nelnie vïelhterdidh. Numhtie gïehtelimh goske Raentsierasse böötimh."
Baakoeh
- råvna
- bonde (fin benevnelse)
- geasastehtedh I
- sele på
- tjeara
- skumring (morgen el. aften)
- loevenidh
- komme seg av gårde (til flytting)
- guvhkelidh
- gå foran reinflokken og lokke
- valkesahtjedh IV
- begynne å komme i driv
- gierehtse
- kjerris, pulk
- tjeekedidh
- romme
- njæjhkodh II
- gråte
- bååveridh
- streve
- vïelhterdidh
- velte seg; humpe og skumpe
Gaaltije
Bergsland, K. & Bull, E.H. (1993). Lohkede saemien. Davvi Girji o.s.
Goltelh jïh lokhkh
Tjoejkedh
Dej dovletje tjaaleme gaaltiji mietie saemieh lin åehpie goh joekoen væjkeles tjoejkijh. Vååjnoe goh saemieh mah dah voestes tjoejkijh, jïh jeatjebh lin saemijste lïereme.
Saemieh dej jïjtsh treavkah/ letnieh* moerijste darjoejin, såekeste jallh gejhkie bietseste, naan aejkien aaj goeseste jallh suvhpeste. Moerijste veeltin, mah gejhkie laantesne sjïdteme, dejstie nænnoes treavkajollehke. Sjïdtije asken dam ïebnem vaeltedh juktie treavkah gelkieh nuekies sojjehtje sjïdtedh.
Maahtah vielie tjoejkemen bïjre lohkedh tjaalegisnie Tjoejkedh.
Gaaltije
Fjellheim, M.M. (2015). Tjoejkedh. Aajege.
Laavenjasse
Ohtsh bïevnesh jïh soptsesth guktie dah saemieh dovletje fealadin.