Barkh teekstine Voelpe vuj ij

Lohkh boelhketjidie jïh vaestedh gyhtjelasside.

Lohkh 1. boelhketjem jïh vaestedh!

– Aanta, sïjhth mannem viehkiehtidh mov skuvle-barkojne? Meerje gihtji.

– Mij laavenjasside datne åådtjeme? Aanta jis gihtji.

– Manne edtjem goerehtallemem darjodh jïh ajve göökte gyhtjelassh gihtjedh. Laavenjasse naemhtie: Gihtjh voelpem, gïeh dov bööremes saavrehtæjjah orreme, jïh man åvteste? Meerje vaestede.

– Nov mån maahtam, Aanta vaestede.

1. Gie meatan dennie tekstesne?

2. Maam Meerje edtja darjodh?

3. Maam Aanta maahta darjodh?

4. Maam darjoeh gosse goerehtallh?

Lohkh 2. boelhketjem jïh vaestedh!

Aanta Meerjen gåetie-låhpan båata seamma iehkedsbiejjien. Dïhte ånnetji dej gyhtjelassi bïjre ussjedamme. Aanta lyjhkoe Meerjine årrodh, dïhte buerie voelpe sutnjan. Gosse elties fuelhkie viehkiem bïenjine daarpesje, dellie dah ajve Meerjem gihtjieh. Meerje dan væjkele gaajhki bïenjigujmie. Jis Aanta lij sov bïenjem gihtjeme, gie dov bööremes saavrehtæjja, dellie gujht vaestiedamme, Meerje dïhte.

1. Gåessie Aanta Meerjese båata?

2. Gusnie Meerje?

3. Gåabph Aanta vualka?

4. Man bïjre Aanta ussjedalleme?

5. Maam Aanta lyjhkoe?

6. Gie viehkiem daarpesje bïenjine?

7. Gie væjkele bïenjigujmie?

8. Gie Aantan bïenjen bööremes saavrehtæjja?

Lohkh 3. boelhketjem jïh vaestedh!

Meerje aaj ånnetji dan iehkedsbiejjien bïjre ussjedamme. Ij dan vihkele laavenjassine. Edtja gihtjedh mejtie Aantan lea mïelehke. Meerje sæjhta aaj soptsestidh, satne Aantam joekoen lyjhkoe. Jis duasta, edtja aaj soptsestidh satne gearoemisnie. Meerje dovne aavode jïh kråvvede iehkedsbeajjan gosse Aanta båata. Aanta dan vietsele. Meerje kråvvede. Dagke Aanta sæjhta voelpine ajve årrodh.

1. Gåessie iehkedsbiejjie aalka jïh nåhka?

2. Man bïjre Meerje ussjedalleme?

3. Man bïjre datne ussjedalleme daan biejjien?

4. Gie tuhtjie ij dan vihkeles laavenjassine?

5. Gie Aantam lyjhkoe?

6. Guktie domth gosse gie joem dov mïelehke?

7. Gie Aantese györe?

8. Man åvteste Meerje aavode jïh kråvvede?

Lohkh 4. boelhketjem jïh vaestedh!

– Manne måjhtam dom saavrehtæjjam maam manne utnim. Dellie lim uktsien jaepien båeries. Dan nomme Næjla. Dïhte vietsele, jearsoe jïh striengkie. Jïh manne aaj måjhtam goh lim luhkienjieljen jaepien båeries, dellie mijjen juelkietjengkere-saavrehtæjja seamma vuekien mietie mijjem saavrehti. Dïhte fïereguhtem vööjni jïh mijjem skraejriehti saavredidh.

1. Gie sov saavrehtæjjan bïjre soptseste?

2. Gie lij uktsien jaepien båeries?

3. Guktie dan saavrehtæjjan nomme?

4. Guktie lij dïhte saavrehtæjja?

5. Gie lij luhkienjieljen jaepien båeries?

6. Mij vuekide dan juelkietjengkere-saavrehtæjjan?

7. Gie fïereguhte?

8. Gie dejtie skraejriehti?

Lohkh 5. boelhketjem jïh vaestedh!

– Dellie maahtam aaj jiehtedh aehtjie jïh aajja mov bööremes saavrehtæjjah orreme. Dah guaktah munnjan jeehtigan, buerebe vaedtsedh, sygkeldidh jïh vaarredh goh vuejedh. Gellien aejkien manne dej guaktide gihtjim mejtie meehtigan mannem vuejedh, men dah idtjigan sïjhth. Jis feestese, voelpese jallh saavremasse, manne tjoerim vaedtsedh jallh sygkeldidh. Manne mov crosse-sygkelem aaj seente ööstim. Dan åvteste aajja munnjan jeehti, tjoerem lïeredh guktie manne bovtsh vaedtsien, vaerrien vuejehtem, Aanta soptseste.

1. Aantan lin gellie saavrehtæjjah?

2. Jis jaavoe, gïeh dellie?

3. Maam dah guaktah Aantese jeehtigan?

4. Maam datne tuhtjh buerebe enn goh vuejedh?

5. Gïeh idtjin sïjhth Aantam vuejedh?

6. Guktie Aanta feestese vöölki?

7. Man åvteste Aanta sov crosse-sygkelem seente öösti?

8. Guktie buektehte bovtsh vuejiehtidh?

Lohkh 6. boelhketjem jïh vaestedh!

Ij Meerje govlh man bïjre Aanta soptsestamme. Dïhte ajve tjahkan ussjedeminie gåessie edtja Aantese sov vihkielommes gyhtjelassem gihtjedh. – Dagke buerebe vuertedh jallh mobijlen tjirrh dam gihtjedh, Meerje ussjede.

1. Man bïjre Aanta soptsestamme?

2. Man åvteste ij Meerje govlh maam Aanta sopsestamme?

3. Datne måjhtah man bïjre Meerje edtji gihtjedh?

4. Aanta Meerjen voelpe vuj mïelehke?

Vaestedh laavenjasside. Tjaelieh åenehks teekstem.

1. Maam datne vïenhth, Aanta sæjhta Meerjen voelpine vuj mïelehkinie årrodh? Nanne vïenhtem .....

2. Tjaelieh ånnetji dov saavrehtæjjaj bïjre!