I serien Matsjokket har meisterkokken Christer Rødseth sett seg føre å redusere matsvinnet i Noreg. I denne episoden gir han Gry og Kristofer Hivju i oppdrag å føre sauen tilbake til det norske kjøkkenet.
Før de ser filmen:
Ta ei handsopprekking i klassen: Kor mange har ete sau?
Diskuter i klassen: Kva slags inntrykk har de av sauekjøtt?
Etter filmen:
Reflekter saman i klassen: Kva tenker de om dei store lagera med sauekjøtt som står i fare for å bli kasta som mat fordi forbrukarane helst vil ha lamma?
Søk på nettet og i andre kjelder: Kva er hovudforskjellen mellom sau og lam?
Kva kan sauekjøtt eigne seg til? Søk på nettet og i oppskriftsbøker. Finn nokre oppskrifter de synest ser freistande ut.
Fordel oppskriftene i klassen, og lag ulike rettar med sauekjøtt. Smak på dei ulike rettane. Kva synest de? Er sauekjøttet godt å ete?
Er det stor forskjell i smak på sau og lam?
Kunne de tenke dykk å ete meir sau etter å ha smakt på dei ulike rettene?
CC BY-SASkrive av Therese Hansen Federl og Jannike Gausdal.
Sist fagleg oppdatert 12.08.2022