Kva kan du om journalistikk i ei ny tid?
Desse sjekkpunkta gir deg ein peikepinn på korleis det står til med fagkunnskapen din:
Eg veit korleis globale teknologi- og mediegigantar påverkar økonomien til norske medieselskap, og eg forstår kva konsekvensar det har og kan få for journalistikken.
Eg forstår forskjellen på redaksjonelle og private medium, og eg kan reflektere over kvifor sosiale medium lett kan spreie desinformasjon.
Eg veit at journalistikk som blir formidla i sosiale medium, når nye brukargrupper, og eg kan bruke denne innsikta i eigen produksjon.
Eg forstår kvifor journalistikk som tek i bruk VR og AR har ein sterk appell til kjenslene våre, og eg kan reflektere over presseetiske utfordringar som kan oppstå når nyheiter blir formidla på denne måten.
Eg kan bruke nye medium og forteljemåtar i produksjon av eigne nyheitsforteljingar.
Nokre viktige fagomgrep
eigarkonsentrasjon
emokrati
innhaldsmarknadsføring
innovasjon
klikkjournalistikk
kunstig intelligens
oppslukande journalistikk
polyfaktuelt samfunn
postfaktuelt samfunn
private medieaktørar
utvida verkelegheit (AR)
virtuell verkelegheit (VR)