Oppgåver og aktivitetar

Dokumentasjonen til barn

Teikningane til barn er ein dokumentasjon av kva barna har gjort, og kva dei tenkjer. Vi kan nytte teikninga og det konkrete uttrykket til barna til å reflektere over det pedagogiske arbeidet.

Barneteikning av ei jente i eit hus med to etasjar og trapp. Jenta har raud kjole og smiler. Det er eit fruktfat ved sida av henne. Huset har pipe med svart røyk. Det er gras utanfor huset og ein stor blå blomster. Ei stor, gul sol med smilefjes på himmelen. Foto.

Teikning er ein måte å uttrykkje seg på

Alt det som blir til konkrete uttrykk, reknar vi som dokumentasjon frå barna. Det kan vere teikningar, byggverk, leirefigurar, pinnar og steinar tekne med frå skogen. Det er dokumentasjon frå aktivitetane, leiken og relasjonane til barnet. Denne dokumentasjonen kan hjelpe barn til å fortelje om og dele historiene sine. Dei kan nytte han når dei skal forklare korleis dei har tenkt, eller sjølv forstå kva dei har lært.

Vi må sørgje for at dokumentasjonen til barna får ein synleg plass i kvardagen. Slik kan fleire ta del i det som skjer i kvardagen vår. I arbeid med barn og unge kan vi dokumentere både produkt og prosess. Vi kan fotografere undervegs, for å vise vegen fram til det ferdige produktet. Denne dokumentasjonen kan vi nytte som grunnlag for refleksjon. Barna og personalet kan då finne ut kva det er viktig å arbeide vidare med. Her kan vi òg sjå om vi må endre noko.

Oppgåver

Bruk teikningane nedanfor. Reflekter saman med ein eller fleire medelevar over følgjande spørsmål:

Kva ser de på teikninga?
Kva fortel teikninga dykk om kva barnet er oppteke av og interessert i?
Korleis kan de nytte teikningane til barn for å forstå barn?
Korleis vil de samtale med barnet som har laget teikninga? Kva spørsmål ville de ha stilt til barnet, kva er de nysgjerrige på å finne ut av når de ser på teikningane?
Korleis kan de leggje til rette for at barn og unge får uttrykkje seg gjennom teikning?
Korleis kan de motivere barn til å teikne?
Korleis bør de som vaksne opptre for å ta vare på gleda barn har ved å teikne?
Korleis kan de nytte teikningane til barna for å reflektere og vurdere det pedagogiske arbeidet?
Kan de ut frå ei teikning tenkje på eit tema de kan arbeide vidare med?