Faage-dïejvesidie maahtah?

Datne vaestiedassem daajrah dejtie gyhtjelasside? Jis maahtah, dellie hijvenlaakan barkeme teemine argumentasjovnen bïjre!

1. Mij sæjhta jiehtedh argumenteradidh?
2. Buerkesth dïejvesidie veanhtoe, argumente jïh premisse.
3. Mah golme krïevenassh byörebe bïejedh akten rïektese-argumentese?

4. Mijjieh ræhpas jïh tjeakoes argumentasjovnen gaskem joekehtibie. Mij joekehtse dej göökte argumentasjovne-hammoej gaskem?

5. Retorihkesne jallh soptsestimmie-kåanstesne nuhtjebe dïejvesidie etose, logose jïh patose sijjeste ræhpas jïh tjeakoes argumentasjovne.

   1. Mij lea sisvege dejnie golme dïejvesinie?

   2. Mij dïejvesidie lea seamma goh ræhpas argumentasjovne?

   3. Mah dïejvesh leah seamma goh tjeakoes argumentasjovne?

6. Gosse logiske sjæjsjalimmieh vaeltebe dellie premissh bæjjese bïejebe jïh konklusjovnh darjobe våaroemisnie dejstie. Vedtieh aktem vuesiehtimmiem daejtie:

   1. akte hijven logihke sjæjsjalimmie

   2. akte nåake logihke sjæjsjalimmie

Åssjaldahke-kaarhte – tjeakoes argumentasjovne

Åssjaldahke-kaarhte göökte njieptjiejgujmie: 1. Njieptjie: teema, 2. Njieptjie: åejvie-væhta.

Lissehth åssjaldahke-kaarhtese bijjielisnie njieptjie 3-væhtajgujmie (daate sæjhta jiehtedh vuelievæhtah dejtie golme åejvie-væhtide). Nuhtjh aktem åssjaldahkekaarhte-dïrregem datne damth, jallh tseegkh aktem utnijem sijjesne creaza.com jïh nuhtjh dom namhtah åssjaldahkekaarhte-dïrregem Mindomo – aelhkie nuhtjedh jïh tjïelke jïh fryöjstehke åssjaldahke-kaarhth dorje.

Datne maahtah jïjtjedh vuelie-væhtah darjodh, jallh væhtah nuhtjedh læstoste vuelielisnie. Men geehth, juktie eah leah gaajhkh væhtah læstosne mah edtjieh meatan årrodh åssjaldahke-kaarhtesne tjeakoes argumentasjovnen bïjre!

1. Analogije-raerie
2. Ryöktesth soptsestimmie dåastoejasse
3. Haesteme
4. Maehtehtje-raerie
5. Aktelaaketje argumentasjovne
6. Jiermie-raerie
7. Jienebelåhkoe-raerie
8. Nænnoesvoete
9. Lustesvoete
10. Ironije
11. Konklusjovne
12. Logihke galhkuve
13. Mijnuse-baakoe
14. Saernie
15. Persovne
16. Plusse-baakoe
17. Premisse
18. Maerelesvoete
19. Retorihkeles gyhtjelassh
20. Luptestimmie
21. Gïeleldh guvvieh
22. Veanhtoe
23. Veaksehkevoete
24. Aerpievuekie-raerie
25. Mearhkan sïjse bïejedh
26. Aarvoe-raerie

Argumentasjovne-raerie

Darjoeh aktem kolonne-notaatem gusnie tjaalah argumentasjovne-raeride mej bïjre lïereme daennie teemesne, jïh tjaelieh göökte vuesiehtimmieh fierhten argumentasjovne-raaran. Datne maahtah vuesiehtimmieh teemeste nuhtjedh, jallh datne maahtah jïjtse vuesiehtimmieh gaavnedh.