Hopp til innhold

Oppgaver og aktiviteter

Laavenjassh appelli bïjre

Lohkh faage-sæjroem «Strategije juktie jaehkiehtidh» jïh darjoeh laavenjasside.
Kaarre kaassan nelnie tjåadtjoeminie goltelæjjide soptsesteminie. Soptsesebobla baeniejårresigujmie. Guvvie.

1. laavenjasse

  1. Mij disposisjovne?
  2. Mah saemien baakoeh maehtebe nuhtjedh sijjeste doh latijnen dïejvesh exordium, narratio, argumentatio jïh peroratio?
  3. Buerkesth åenehkslaakan maam fïereguhte daejstie njieljie tsiehkijste disposisjovnesne byöroe sisveginie utnedh.
  4. Vedtieh vuesiehtimmieh guktie mijjieh maehtebe håalemem aelkedh.
  5. Man åvteste tjoerebe galhkuvem hijvenlaakan soejkesjidh?
  6. Tjïelkesth dïejvesidie confirmatio jïh refutatio.
  7. Man åvteste byörebe uvtemes jïjtjemem konsentreradidh jïjtsh argumeenth buektedh?
  8. Maam bielide håalemistie almetjh verkemes åajaldieh?

2. laavenjasse

Darjoeh åenehks appellem.

Darjoeh åenehks appellem mij aktem minudtem ryöhkoe. Datne edtjh maadth-bïhkedassem eevre veelelaakan dåeriedidh. Dov teema maahta lustes jallh itjmies årrodh. Daesnie naan raeriestimmieh aamhtesi bïjre:

  • Lööneme-sygkele gaajhkesidie mah sijhtieh skuvlese sygkeldidh
  • Tjoerebe Facebookem/Tik Tokem skuvlesne bïedtedh
  • Ibie biegke-mööllah sïjhth gåatome-laantesne

3. laavenjasse

Analyjseredh boelhkem aktede politihkeles appelleste. Nuhtjh appellem nedteste jallh plaerijste.

4. laavenjasse

Vuartesjh appellem gusnie Silje Karine Motka soptseste.

  1. Mij aalkoe (exordium) daennie appellesne?

  2. Man gellien aejkien gaskem aamhtese-buerkiestimmiem (narratio) jïh væhnadimmiem (argumentatio) molse.

  3. Digkedh gusnie appellesne Silje aalka minngemes bieline, peroratio.

  4. Gaavnh aktem vielie appelle, nedtesne. Viertesth appellide.

  5. Guhte daejstie göökte appellijste dam bööremes öörnegem åtna?

  6. Guhte daejstie göökte appellijste bööremes, jïh mannasinie?

CC BY-NC-SASkrevet av Marion Federl og Ellen Bull Jonassen.
Sist faglig oppdatert 19.01.2023

Læringsressurser

Retorihke