Hopp til innhold

Fagartikkel

Filbmadahkki Elle-Máijá Tailfeathers

Elle-Máijá Tailfeathers lea sihke filbmadahkki ja neavttár

Filbmadahkki Elle-Máijá Tailfeathers.

Filbmadahkki Elle-Máijá Tailfeathers.

Elle-Máijá Tailfeathers

Son álggii iežas filbmakarrierain 2011:s eksperimentála oanehisfilmmain Bloodland. Filbma ráhkaduvvui vuosttaldeapmin dasa go oljofitnodagat galget bohkagoahtit oljju blackfoot-indiánaid guovlluin. Dán filmma maŋŋá son lea ráhkadan máŋggaid eará filmmaid iešguđet šáŋŋeris nugo fikšuvnna, dokumentára, mokumentára ja musihkkavideo.

Sápmelaš ja blackfoot

Tailfeathersa áhčči lea norgga beale sápmelaš ja eadni ges Kainai First Nationa blackfoot-indiána. Kainai-čearda lea maiddái dovddus "The Blood Triben" dahje "Kainaiwan". Sii leat oassin Blackfoot-ovttastumis mat leat golbma indiánačeardda: siksikáwa, kainai ja pieganat. Blackfoot-indiánat ásset Albertas Kanádas, sii elle álgoálggus buffalobivddus ja leat earret eará dovddus iežaset seremoniijalaš ja bassi beaivvášdánsumis.

Eamiálbmottematihkka

Tailfeathersa filmmat leat dávjá servodatváttisvuođaid ja vuoigatmeahttunvuođa birra mat leat gullet eamiálbmottematihkkii. Filmmat leat čájehuvvon festiválain máŋgga sajis máilmmis, nugo Berlina filbmafestiválas, Vancouver International Film Festivalas, imagineNATIVE Film and Media Arts Festivalas, Seattle International Film Festivalas ja Romssa riikkaidgaskasaš filbmafestiválas (TIFF).

Sist oppdatert 14.10.2021
Skrevet av Tina Andersson, Lill Hege Anti og Davvi Girji
Rettighetshaver: Norgesfilm AS

Læringsressurser

Sámi filbmaoahppoárka