Hopp til innhold
Stillbilde fra filmen Hilbes biigá. Foto.
SubjectMaterialFagstoff

Fagartikkel

Hilbes biigá

Lea unnán mii lea ”dábálaš sámevuohta” Hilbes biiggás. Dattetge govvida dát oanehisfilbma dálá nuorra sámi duohtavuođa. Filbma lea čájehuvvon máŋggain filbmafestiválain miehtá máilmmi ja lea vuoitán máŋggaid bálkkašumiid.

Juotna

15-jahkásaš Máigon ja su buoremus ustit Ánne-Sire ealliba gilážis árktalaš duoddaris. Lea geassi, gaskaijabeaivváš báitá, ja ijat leat ijaheamet. Eanet hárjánan Ánne-Sire hástala veahá mánálaš Máigona debuteret seksuálalaččat. Máigon dovdá iežas bággehallan, muhto sus lea sierra plána: roadtrip Ruŧŧii, muhto ii fal riskka haga. Hilbes biigá lea punkalágan roadmovie ustitvuođa, seksualitehta, rájáid, deaddaga ja ainjuo áibbašeami birra.

Ustitvuohta ja balaheapmi

Rešissevra Marja Bål Nango ja su filbma leat dasa lassin vuoitán máŋga bálkkašumi, earret eará Skårungen-debutántabálkkašumi Romssa filbmafestiválas 2015:s. Jury oaivvildii filmma leat roahkkadin, mas leat fáttát mat gusket nuoraide:

Dánjagáš Skårunge lea nagodan ráhkadit roahkkadis ja njuolggo portreahta ustitvuođas ja balaheamis. Filbma mii váldá ovdan stuorra ja váttes fáttáid ja čájeha siskkáldas dovdduid eallima olgguldas smávva dáhpáhusain. Dánjagáš vuoiti oažžu maiddái hárjánmeahttun neavttáriid neaktit árjjalaččat ja bidjat luonddu karakteraide.

Sámi filbma bivnnut

Riikkaidgaskasaš Sámi Filbmainstituhta (ISFI) ásaheami rájes Guovdageainnus 2009:s, lea sámi filbma duođaid beaggigoahtán. Hilbes biigá lea oassi rámiduvvon ”7 Sámi Stories”-filbmaprográmmas, mii dán rádjai lea čájehan čieža sámi oanehisfilmma badjel 70 filbmafestiválas miehtá máilmmi.

Hilbes biiggás leat olu ovttaláganvuođat ruoŧa Fucking Åmål-filmmain (1998), man Lukas Modysson lea rešisseren. Fucking Åmål govvida nuoraidbirrasa muhtun smávva čoahkkebáikkis Davvi-Ruoŧas.

Sist oppdatert 14.10.2021
Skrevet av Mairi Macdonald, Davvi Girji og Lill Hege Anti
Rettighetshaver: Norgesfilm AS

Læringsressurser

Sámi filbmaoahppoárka