Njuike sisdollui
Bargobihttá

Hárjehusbarggut ekologiijas

Bargobihtát ekovuogádagaid, biebmogollosiid, biebmofierpmádaga ja birrajohtima birra.
Tevnnet, govus mas lea bajildusgovus ábi šlájáin.
Govva: Havforskningsinstituttet / CC BY-SA 4.0

Ekovuogádat - biebmogollosat - biebmofierpmádagat - birrajohtin

  1. Mii lea ekovuogádat?
  2. Guđe lágan oasit leat álohii ekovuogádagas?
  3. Guđet biohtalaš faktorat (ealli oasit) leat ekovuogádagain?
  4. Namut 5 abiohtalaš faktora (eai ealli oasit) mat váikkuhit eallimii jeaggeláddos.
  5. Geahččal gávdnat 4 abiohtalaš faktora mat váikkuhit dasa guđet šaddošlájat sáhttet eallit darfegearddis (lavdnjegearddis) jeakkis.
  6. Šattut gohčoduvvojit buvttadeaddjin ja eallit ges golaheaddjin. Manne?
  7. Čilge mii šlájaid ekologalaš nišša lea.
  8. Čilge mii biebmogoallus lea.

  9. Geavat govvosa mii lea vuolábealde. Govahala ahte muhtin organismmat biebmofierpmádagas jávket. Maid mearkkaša dat olles vuogádahkii?

    1. Maid jáhkát geavašii jus fáhkanat jávkkaše?
    2. Mii geavašii jus guollemáddaga bearehaga bivddášii (guolásteami bokte), nu ahte guolli ii šat livčče oassin biebmofierpmádagas?
    3. Mii geavašii jus debbot (planktonšattut) jávkkaše?

    4. Guhte dáhpáhus váikkuhivččii eanemus organismmaide?

Antarktisa šlájaid biebmofierpmádat. Vuolemusas leat planktonšattut maid borret vuotnabossu ja čámbohkkal. Čámbohkkala borret vuotnabossu, dorski ja pingviidna. Dorski borret fáhkan, njuorjus ja pingviidna. Njuorjju borrá fáhkan. Pingviinna borrá fáhkan. Illustrašuvdna.
Govva: Thomas Bedin / CC BY-NC-SA 4.0
  1. Mii dadjat ahte ávdnasiin lea giddejuvvon birrajohtin ja energiijas fas lea rabas birrajohtin. Mii lea erohus?