Jus dáid bihtáid galggat nagodit čoavdit, de fertet gieđahallat fáttá ja soaittát šaddat liige dieđuid ohcat.
Bargobihttá 1
Ráhkat listtu buot elemeanttaid badjel (organeallat, erenoamáš molekylat ja struktuvrrat) mat leat oassin proseassas ráhkadit gárvves proteiinna.
Bargobihttá 2
Jus dus lea proteiidna mii sisttisdoallá 600 aminosuvrri:
- Galle kodona (tripleahta) dárbbahuvvojit ráhkadan dihte dan proteiinna?
Galle nitrogenabasa leat genas mii lea dien proteiinna koda?
Bargobihttá 3
Govvit proteiidnasyntesa:
- Sárggo tevnnega.
- Čilge njálmmálaččat mii proteiidnasyntesas dáhpáhuvvá, juogo alccet dahje muhtin earái.
- Čále mii proteiidnasyntesas dáhpáhuvvá cehkiid mielde.
Go leat geargan, sáhtát geardduhit proteiidnasyntesa jus leaččat vajáldahtten maidege.
CC BY-SADán lea/leat čállán Kristin Bøhle.
Maŋemusat ođastuvvon 01/03/2020