Geahččaladdan
Geahččaladdan: Ráhkat čáhcepreparáhta mikroskohpemii
Oažžun dihtii buriid govaid objeavttain mikroskohpas, de fertet leat dárkil go ráhkadat preparáhtaid.
Oahppat ráhkadit buriid preparáhtaid, vai oaččut čielga govaid iežas objeavttas.
- Objeaktaláse ja gokčanláse fertejit leat áibbas ráidnasat.
- Bija ovtta goaikkanasa čázi objeaktaláse ala, ja bija dan maid áiggut geahččat, ovdamearkka dihte vuoktabinná, čáhcegoaikkanassii.
Bija gokčanláse ravdda várrogasat objeaktaláse vuostá. Dasto luoittát dan njozet objeaktalase ala. Dainna lágiin duvddát eret áimmu, vai it oaččo áibmobulljarasaid. Gokčanláse galgá leat áibbas objeaktaláse vuostá, ii ge "govdut" čáhcegoaikkanasa alde.
- Jus čahci golgá gokčanláse ravdda badjel, de fertet liiggálaš čazi váldit eret filttarbáhpiriin.
- Jus lea beare unnán čahci, de lasihat gokčanláse ravdii unna goaikkanasaža. Čáhci geassása ieš sisa. Jus barggat guhka ovttain preparahtain, de soaittát šaddat máŋgii lasihit čázi.
- Jus áiggut lasihit ovdamearkka dihte joda dahje ivdneávdnasa preparahttii, de bijat goaikkanasa gokčanláse ravdii ja geasát dan gokčanláse vuollái dan bokte go válddát eret čázi filttarbáhpiriin nuppe bealde.
Guoskevaš sisdoallu
Bihtát ja doaimmat
Geahččaladdan: Mikroskohpa – heivehit ja geavahitMikroskohpa lea ávkkálaš, ja addá buori oahpa máŋgga oktavuođas. Eaktun oažžut positiiva vásáhusa lea ahte máhtát geavahit mikroskohpa.