Dette emnet tek for seg utnytting av naturressursar. Vi ser på korleis folk har skaffa seg mat på ulike måtar og går via skogbruk, fiske og bergverk til industrialisering og teknologiske omveltingar. Berekraft er òg eit sentralt omgrep under dette emnet.

Mennesket har gjennom tidene hatt ulike syn på naturen og på sin eigen plass i verda. Derfor finst det også ulike svar på korleis vi bør skaffe oss mat og utnytte naturressursane. Vi skal sjå om det er mogleg å bruke historiske perspektiv i diskusjonen om berekraft og berekraftige løysingar.