Utforsk ein vald konflikt etter 1945
![Flyfoto av eit skip lasta med svære rakettar. Ved sida av er det eit mindre marinefartøy. Det heng missil under flyvengen også. Foto.](https://api.ndla.no/image-api/raw/tbf21808.jpg?width=1024)
Kva skal du utforske?
Du skal utforske ein sjølvvald konflikt eller krig i perioden 1945–2010. Jobb gjerne saman i grupper på to-tre elevar. De skal presentere det de finn ut, for klassen. Kva presentasjonsform de ønsker å bruke, er opp til dykk.
Oppgåve
Vel ein av konfliktane som har gått føre seg etter 1945.
Døme på krigar og konfliktar du kan velje:
Den kalde krigen i sin heilskap
Koreakrigen
Vietnamkrigen
Afghanistan:
Krigen 1979–1989: Kommunisme mot islamisme etter Sovjetunionens invasjon i 1970
Krig i Afghanistan frå 2001, krig mot terror og Al-Qaida
Israel og Palestina
Nord-Irland – kampen for frigjering frå Storbritannia og ønske om eit samla Irland
Baskarland – kampen for sjølvstende for dei baskiske områda i Spania (og Frankrike)
Balkankrigane
Problemstilling og spørsmål å stille seg
Det kan vere lurt å formulere ei problemstilling om noko du er spesielt interessert i, før du/de byrjar.
Det kan også vere lurt å ta med nokre av desse punkta:
Var det ein verdikonflikt eller ein interessekonflikt? Kan konflikten ha element av begge?
Kva var bakgrunnen for konflikten? Bruk gjerne lista i fagartikkelen på samfunnskunnskap om bakgrunnar for konfliktar og krigar (sjå relatert innhald under).
Kva partar står mot kvarandre i konflikten? Får desse partane støtte frå andre, til dømes frå andre land?
Korleis er tilstanden i landet og konflikten i dag?
Korleis blei det jobba / blir det jobba med fredelege løysingar for konflikten?