Gjennom å utforske fargar, former og måtar å setje saman delar på kan du skape noko du neppe såg for deg i starten av eit kunstprosjekt. Nysgjerrigheita, erfaringane og kunnskapane dine er viktige for den skapande prosessen. Du påverkar sjølv kor god du blir til å få mykje ut av prosessarbeid.

I første fase av ein kunstnarisk prosess må du vere sikker på at du forstår kva du skal gjere. Å utforske temaet er starten på idéutviklinga. Typisk for denne fasen er å søke etter informasjon og å samle inspirasjon og materiale som kan komme til nytte. Sjå rundt deg etter inspirasjon.