Gjennom å utforske fargar, former og måtar å setje saman delar på kan du skape noko du neppe såg for deg i starten av eit kunstprosjekt. Nysgjerrigheita, erfaringane og kunnskapane dine er viktige for den skapande prosessen. Du påverkar sjølv kor god du blir til å få mykje ut av prosessarbeid.

Etter at du har sett deg inn i temaet du skal jobbe med, er det på tide å eksperimentere og teste ut idéar. Byt ut noko, test nye kombinasjonar, juster, lag ulike versjonar, og sjå ting frå eit anna perspektiv. Innimellom bør du ta pause frå prosjektet og la underbevisstheita jobbe for deg.