Korleis blir du påverka av tekstane rundt deg? I ei digital verd der alle kan produsere og konsumere uendeleg med tekstar, er det viktig at vi kan vurdere truverdet i tekstar. På same tid bør vi opptre etisk og reflektert i vår eigen kommunikasjon med andre.

Vi forstår verda gjennom tekstar. Haldningane og verdiane dine blir forma av det du les, høyrer og ser. Derfor bør du ha ei kritisk tilnærming til tekstane rundt deg og stille nokre spørsmål: Kva verdisyn ligg i teksten? Kva agenda har han? Kan eg stole på det teksten seier?