Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

Litteraturen blir forma av forfattarar, og han blir prega av tida han blir skriven i. Lær om utviklinga gjennom tidene, om litterære retningar og om forfattarane. Det er dette som er tekstane sin kontekst.

Overdrivingar, motsetningar og eit sterkt og dramatisk biletspråk er kjenneteikn på barokk kunst av alle slag. Forfattarane bruker svulstige uttrykk og sterke metaforar. Den barokke litteraturen er først og fremst religiøs, og det er salmediktinga som dominerer.