Hopp til innhald
Oppgåve

Tung tids tale i to ulike kontekstar

Diktet "Tung tids tale" av Halldis Moren Vesaas blei skrive under andre verdskrigen. Under koronaepidemien brukte Yrkesorganisasjonenes sentralforbund diktet i ein kampanje. Kva er det med diktet som gjer det aktuelt når Noreg hamnar i kriser?

Del 1: Tung tids tale i koronakrisa

Sentralforbundet til yrkesorganisasjonane (YS) er ein organisasjon med over 200 000 medlemmer. Mange av medlemmane jobbar i såkalla samfunnskritiske yrke. Då landet blei stengt ned på grunn av koronautbrotet i 2020, lanserte YS videoen over.

A. Førsteinntrykk

Sjå filmen frå Yrkesorganisasjonenes sentralforbund over. Diskuter deretter i par:

  1. Kva er førsteinntrykket dykkar av tekst og film? Kva vil denne filmen fortelje deg?

  2. Forstår de diktet som blir lese opp? Kva er bodskapen i det?

B. Ein gong til

Jobb i par:

  1. Sjå filmen ein gong til. Ha samtidig diktet "Tung tids tale" framfor dykk. De kan finne det på side 61 i samlinga Tung tids tale: dikt på nb.no.

  2. Skriv ned med eigne ord det de meiner er temaet/bodskapen i diktet.

  3. Diktet er bygd opp rundt ein sentral metafor. Kva for ein? Og kvifor nettopp denne?

  4. Legg merke til dei personlege pronomena i diktet. Strek under dei og diskuter kva funksjon dei har.

  5. Stemma i diktet snakkar direkte til eit "du". Kven meiner de dette er når de ser filmen frå YS?

  6. Kvifor trur de nettopp dette diktet, frå 1945, blei brukt i kampanjen frå YS då Noreg stengde ned?

Del 2: Tung tids tale under krigen

Nærbilete av Halldis Moren Vesaas. Foto.
Halldis Moren Vesaas skreiv diktet "Tung tids tale" under andre verdskrigen. Det fekk ny aktualitet under koronakrisa. Bilete: NTB / CC BY-NC-SA 4.0

Diskuter i grupper

  1. Vurder diktet til Halldis Moren Vesaas i den konteksten det kom ut i. Kva bodskap trur de ho ønskjer å formidle til det norske folket i 1945?

  2. Samanlikn krigen og koronakrisa som kontekst for diktet. Kva likskapar ser du mellom 1945 og 2020?

Relatert innhald

Oppgåver og aktivitetar
To dikt om personlege grenser

To dikt om personlege grenser. Korleis tematiserer både Gro Dahle og Halldis Moren Vesaas dette?

Fagstoff
Kamplyrikk

Kampdikta på 30- og 40-talet hadde fast rim og rytme. Dei åtvara mot fascismen og skulle motivere mot nazistane.