Hopp til innhald
Oppgåve

Forklar historia!

Historiske hendingar har nokre føresetnader og årsaker. I denne oppgåva skal du finne dei og kategorisere dei.
Ein mann i munkekjortel spikrar fast eit skriv på ei dør med ein hammar mens tre andre menn ser på. Måleri.
I 1517 skal Martin Luther ha spikra opp ei liste over kritikkverdige forhold i Den katolske kyrkja på kyrkjedøra i Wittenberg. I ettertid har dette vorte ståande som ei utløysande årsak til reformasjonen. Er dette ei riktig vurdering? Er det ei hovudårsak eller biårsak? Bilete: Ferdinand Pauwels / CC BY-NC 4.0

Vel ei historisk hending

Vel deg ei historisk hending som du vil undersøkje nærare. Du kan til dømes velje ei frå lista under, eller de kan bli einige i klassen om å jobbe med ei felles hending.

  • danninga av dei første jordbrukssamfunna

  • vikingferdene

  • samlinga av Noreg til eitt rike

  • svartedauden

  • reformasjonen

  • Europa si kolonisering i andre verdsdelar

Finn forklaringar

Fin fem ting som kan forklare hendinga.

Kategoriser forklaringane

Gå gjennom forklaringane du har funne og diskuter: Kva for nokre av desse merkelappane passar på dei ulike forklaringane du har funne?

  • årsaksforklaring

  • motivforklaring

  • indre årsak

  • ytre årsak

  • push-faktor

  • pull-faktor

  • utløysande årsak

  • bakanforliggjande årsak

  • hovudårsak

  • biårsak

  • føresetnad

Relatert innhald

Fagstoff
Historiske forklaringar

Skal ein forstå historie, må ein òg prøve å forstå kvifor det som har skjedd, skjedde. Då må ein søkje etter samanhengar og årsaker.

CC BY-SA 4.0Skrive av Eivind Sehested Zakariassen.
Sist fagleg oppdatert 21.06.2021